ARTIKULLI IM - MY ARTICLES

TË NDERUAR VIZITORË KËTU UNË JAP MENDIMIN TIM TË LIRË SI QYTETAR I KOSOVËS DHE SI STUDENT I FAKULTETIT JURIDIK MBI ZHVILLIMET E FUNDIT NGA KOSOVA DHE TË GJITHA TROJET SHQIPTARE E KU DO QË JETOJN SHQIPTART.

LIBERALIZIMI I VIZAVE PËR SHQIPËRINË

November 8, 2010   LIBERALIZIMI I VIZAVE PËR SHQIPËRIN

Sot Bashkimi Evropian miratoi përfundimisht dhe unanimisht liberalizimin e vizave për Shqipërinë dhe Bosnjen. Ky hap edhe pse shumë i vonuar është hapi i dytë më i madh historik për popullin shqiptar pas antarësimit në aleancen e NATO-s. Populli shqiptar si një ndër popujt më të vjetër të kontinentit evropjan ka merituar të udhëtoj lirshëm në tërë kontinentin shumë kohë më parë, por një gjë e till nuk ka ndodhur për shkak të politikës shumë të dobët, të korruptuar dhe jobashkëpunuese shqiptare për vite të tëra pas komunizmi. Populli shqiptar si një popull me nivelin më të ulët të analfabetizmit dhe si një popull intelegjent nuk ka merituar që të mbetet peng i politikës së klaneve personale për të vuajtur i izoluar deri më tani në vitin 2010, por sidoqoft më mirë vonë se kurr megjithat u arrit qëllimi. Unë mendoj se merita për këtë aktë historik kanë të gjithë por mendoj se një kontribut të veqantë në radh të parë patriotik kombëtar ka zotri Sali Berisha dhe qeverisja e tij e cila përmes reforma bipartizane ekonomike dhe politike përball një opozite egoiste dhe anti-kombëtare ka bërë të mundur këtë hap të madh historik, edhe pse asnjë qeveri ka të metat e veta dhe nuk mund të jetë krejtsishtë perfekte. Këtë ditë shqiptarët e kanë pritur për shumë vite dhe dekada, të karakterizuara më shumë vuajtje dhe kalime ilegale kufijsh shpesh me pasoja edhe për jetën ku shumë e kanë paguar edhe me jetë. Prandaj ky hap dhe kjo mundësi duhet shfrytëzuar dhe ruajtur në mënyrën më të mirë të mundshme nga populli shqiptar dhe të mos keqpërdoret por të çmohet. Prandaj edhe niher i uroj gjithë popullit shqiptar udhëtimin dhe qarkullimin e lirë të tyre përgjat gjithë kontinentit duke shpresuar se së shpejti edhe pjesa tjetër e popullit shqiptar do të ju bashkangjitet. Poashtu shpresoj që shqiptarët të mbajnë lidhjet e forta të tyre me atëdheun dhe gjitha përfitimet dhe të mirat që i përfitojnë në BE t'i kthejnë dhe investojnë në ndërtimin dhe zhvillimin e mëtutjeshëm ekonomik dhe industrial të Republikës së Shqipërisë vendit më bukur dhe folen e shqiponjave dhe shqiptarëve.

Shpresoj dhe besoj se edhe Kosova do të arrij të çlirohet një ditë nga qeverisja e korruptuar dhe e interesave personale politike dhe të arrij liberalizimin e vizave .

Shkruar nga :

Jeton Gajtani 

E-post: jetoni_099@hotmail.com

8 Nëntor 2010, Kristianstad, Suedi .

Posted by Jeton Gajtani.

Ndryshimet e fundit politike në Kosovë

Ndryshimet e fundit politike në Kosovë siq janë dorëheqja e presidentit i cili ishte i pari i cili shkeli kushtetutën e vendit si dhe mocioni ndaj qeverisë ishin më se të nevojshme. Qeveria Thaqi dhe kualicioni me LDK bënë Kosova ta ketë një nga qeverisjet më të këqija dhe skandaloze të karakterizuara me korrupcion dhe krim të organizuar që ka pas vendi që nga krijimi i tij si shtet. Unë mendoj se mocioni i inicuar nga AKR-ja dhe zotri Pacolli ishte më se i nevojshëm dhe i duhur për ta nxjerr vendin nga kriza politike si dhe mjegullira në të cilën korrupcioni do të lulëzonte po të vazhdonte kjo gjendje. 
Poashtu shpresoj se tani qytetarët kosovar janë vetëdijësuar dhe nuk do të votojn në këto zgjedhjet e ardhshme 3 nga partit që qeverisen vendin që nga çlirimi pra LDK, PDK dhe AAK të cilat dëshmuan se ishin parti të interesave personale të klaneve të tyre dhe jo të interesave kombëtare e shtetërore.
Unë shpresoj se qytetarët kosovar do të dalin në mënyrë masive në këto zgjedhje të jashtëzakonshme dhe përmes votës së tyre të lirë të votojnë për ndryshime rrënjësore të politikës aktuale. 
Unë sipas mendimit tim do të thosha të votohet kësaj radhe më shumë për AKR-në dhe bllokun opozitar duke ju dhënë mundësin dhe shancin kësaj radhe ata të udhëheqin me vendin dhe duke shpresuar se lideri i opozites zotri Bexhet Pacolli si një biznismen dhe ekspert i shquar dhe shumë i suksesshëm i ekonomis dhe politikës do të arrinte të bënte ndryshime sidomos në ekonominë e vendit e cila është edhe motorri i vendit dhe i popullatës pa të cilën nuk ka as qëndrueshmëri politike e shtetërore ashtu siq u pa edhe tani me dështimin e kësaj qeverisje aktuale.
Artikulli i shkruar më 3 Nëntor 2010, Kristianstad, Suedi.
Nga: 
Jeton Gajtani

RRETH TË DREJTAVE TË SHQIPTARVE NË MAQEDONI 

Shqiptarët e Maqedonisë vuajn edhe më tutje pa të drejta të barabarta nën sistemin shtetëror nënshtrues maqedonas, edhe pse me të ashtuquajturën Marrveshje e Ohrit atyre ju janë premtuar të drejta të barabarta me maqedonasit. Populli shqiptar i Maqedonisë ka zhvilluar një luftë çlirimtare për lirinë e tij e jo për të qëndruar edhe më tutje nën regjimet maqedonase por për shkak të presioneve ndërkombëtare ata ju nënshtruan një marrëveshjeje të cilës sipas mendimit tim nuk është dashur ti nënshtrohen e as ta pranojnë sepse siq po shihet edhe tani pushtetet maqedonase nuk po i përmbahen asaj dhe as që do ti përmbahen ndonjëher në të ardhmen sepse ata janë ukupatorë të atyre trojeve dhe nuk mund të sillen ndryshe vetëm me forma ndjekëse e detyruese për ti detyruar shqiptarët etnik që të largohen nga trojet e tyre për shkak të presioneve politike e ekonomike. Këtyre përpjekjeve speciale maqedonase e sllave tanimë ju kanë bashkangjitur edhe politikanët shqiptar të cilët janë pjesë e qeverisë dhe janë aty për të mbrojtur dhe afirmuar sa më shumë drejtat e popullit të tyre mirëpo po ndodh e kundërta sepse ata tanimë janë të zhytur në korrupcion të thellë ashtu sikurse edhe kolegët e tyre në Shqipëri e Kosovë të cilët kanë harruar popullin e vlerat kombëtare të atëdheut të tyre. Interesat kombëtare të të gjithë shqiptarëve janë bashkimi i Trojeve Shqiptare të ndara në vitin 1912 por këtyre interesave tanimë nuk po ju kushton rëndësi askush nga institucionet shtetërore apo politikanët shqiptar si në Shqipëri ashtu edhe në Kosovë për shkak të qeverive të dobëta lojale ndaj presioneve dhe të korruptuara. Populli shqiptar anekënd trojeve tona etnike duhet të bashkohet dhe të përkrah fuqishëm popullin shqiptar në Maqedoni si dhe idenë për një bashkim të mundshëm të tyre me Kosovën apo Shqipërinë dhe atë duke shpallur ndonjë referendum popullorë ku ata do të shprehnin dëshirën e tyre se me cilin shtet duan të jetojnë, kjo unë besoj se do ti jepte një zgjidhje përfundimtare të problemit të shqiptarëve dhe trojeve të tyre të okupuara nga Maqedonia. Ideja e bashkimit të tyre më trojet tjera do të duhet të përkrahet fuqishëm nga politika shqiptare në Tiranë dhe Prishtinë duke i bërë presion të vazhdueshëm Shkupit zyrtar të pranoj ndonjë marrëveshje paqësore për bashkimin e këtyre trojeve të aneksuara me shtetin amë, pa këtë solucion nuk do të ketë asnjëher paqe në Ballkan.

Jetoni, Suedi 17 Gusht 2010.

RRETH MENDIMIT TË GJYKATËS NDËRKOMBËTARE TË DREJTËSISË MBI LIGJITIMITETIN E SHPALLJES SË PAVARËSISË SË KOSOVËS.

Gjykata Ndërkombëtare e Drejtësisë më në fund dha mendimin e vet sa i përket shpalljes së Pavarësisë së Kosovës duke u deklaruar se ky akt nuk ka shkelur të drejtën dhe ligjin ndërkombëtar dhe padyshim ky mendim është jashtëzakonisht i rëndësishëm dhe i favorshëm për Republikën e Kosovës. Mirëpo këtë mendim Serbia dhe politika e saj po përpiqen ta shtrembërojn dhe paraqesin në mënyra të ndryshme kundër Kosovës para skenës ndërkombëtare për të penguar njohjet e mëtejme. Por ky tani nuk është qëllimi kryesorë i Beogradit zyrtar por është një qëllim krejt tjetër dhe ai është coptimi i Kosovës pra ndarja apo minimalisht statusi special për Veriun e Kosovës. Kjo ide po hidhet në shesh gjithnjë e më shumë tani nën tavolinat politike ndërkombëtare ku Serbia zhvillon takime dhe bisedime lobuese rreth kësaj ideje që tani do ta përdor si mjetin kryesor në shkëmbim të zbutjes së qëndrimeve të tyre përball realitetit legjitim pavarësisë së Kosovës. Kjo ide dhe qëllim tani po fiton edhe përkrahjen e fshehtë të disa shteteve të BE-së dhe tjera nga bota të cilave më tepër ju intereson vetëm një pajtim ndërmjet Prishtinës e Beogradit se sa ndarja apo statusi i veqantë për veriun e Kosovës. Prandaj kësaj ideje populli i Kosovës dhe institucionet shtetërore e politike duhet ti kundërvihet me forcë dhe shumë ashpër sepse Kosova dhe Trojet tona kombëtare nuk kanë më troje për ti falur dikujt siq është bërë në të kaluaren e pasojat e së cilës po ndihen edhe sot e do të ndihen gjithmonë sa të ekzistoj populli shqiptar. Qeveria e Kosovës duhet të bëjë ç'është e mundur që ta pengoj këtë ide dhe ta pengoj Serbinë në rrugen e saj, poashtu në bisedimet e ardhëshme duhet të mos pranohet kategorikisht një ide e till nëse vjen nga ndërmjetësuesit ndërkombëtar përkatësisht të BE-së.

Nga :  Jeton Gajtani   9 Gusht 2010, Suedi